දිවයිනේ ප්‍රදේශ රැසකට වැසි..
අද (27) දිනය තුළ දිවයිනේ ප්‍රදේශ රැසක වැසි ඇතිවීමේ වැඩි අවස්ථාවක් ඇතැයි කාලගුණ විද්‍යා දෙපාර්තමේන්තුව අනාවරණය කර සිටියි. දිවයින ආශ්‍රිත පහළ වායුගෝලයේ පවතින කැළඹිලි ස්වභාවය හේතුවෙන් මෙසේ වැසි තත්ත්වයක් ඇතිවනු ඇති බව ද එම ආරංචි මාර්ග පවසයි. ඒ අනුව උතුර, නැගෙනහිර, උතුරු මැද, ඌව, මධ්‍යම සහ වයඹ යන පළාත්වල ස්ථාන රැසක වැසි ඇතිවිය හැකි බවත් සෙසු ප්‍රදේශවල අහස වලාකුළුවලින් බරව පවතිනු ඇති බවත් එම කාලගුණ විද්‍යා දෙපාර්තමේන්තුව වැඩිදුරටත් පවසා සිටියි.
