දිවයිනේ සියලුම පාසල්වල අධ්‍යයන කටයුතු අද සිට ඇරඹේ..
කොරෝනා වසංගත තත්ත්වය හේතුවෙන් වසා දමන ලද දිවයිනේ සියලුම පාසල් අද (29) සිට යළි විවෘත කිරීමට නියමිත බව අධ්‍යාපන අමාත්‍යංශ ආරංචි මාර්ග අනාවරණය කර සිටියි. පවතින වසංගත තත්ත්වය හමුවේ 2020 වසරේ මාර්තු මස 13 වන දින සිට ක්‍රියාත්මක වන පරිදි දිවයිනේ සියලු පාසල් වසා දැමීමට තීරණය කරන ලද අතර පසුව අදියර කිහිපයක් යටතේ පාසල් විවෘත කිරීමට කටයුතු කරන ලදී. කෙසේ වෙතත් පවතින තත්ත්වය හමුවේ බස්නාහිර පළාත තුළ පිහිටි පාසල් විවෘත කිරිම කිහිපවිටක් ප්‍රමාද කිරිමට සිදුවිය. පසුගිය 15 වනදා සිට බස්නාහිර පළාතේ පාසල්වල 5, 11 සහ 13 ශ්‍රේණි ආරම්භ කරණ ලද අතර අනෙකුත් ශ්‍රේණිවල අධ්‍යයන කටයුතු අද සිට ආරම්භ කෙරේ. නිර්දේශ කර තිබෙන සෞඛ්‍ය මාර්ගෝපදේශයන්ට යටත්ව පාසල්වල අධ්‍යනය කටයුතු සිදුකරන බව අධ්‍යාපන අමාත්‍යංශය අවධාරණය කර සිටියි.
