පාස්කු ප්‍රහාරයේ වින්දිතයින්ට සාධාරණයක් ඉටුකරන තෙක් විරෝධතා අඛණ්ඩව – කාදිනල් හිමි
පාස්කු ඉරුදින ප්‍රහාරය සම්බන්ධයෙන් වන සත්‍ය තොරතුරු හෙළිකර ප්‍රහාරයෙන් පීඩාවට පත්වූ ජනතාවට සාධාරණයක් ඉටුකරන තෙක් දියත් කර තිබෙන විරෝධතා අඛණ්ඩව දියත් කරන බව කොළඹ අගරදගුරු අති උතුම් මැල්කම් කාදිනල් රංජිත් හිමියන් අවධාරණය කර සිටියි. පාස්කු ප්‍රහාරයෙන් මියගිය පිරිස් සිහිකරමින් කොළඹ, කොච්චිකඩේ ශාන්ත අන්තෝනි දේවස්ථානයේ පැවති වැඩසටහනකදී උන්වහන්සේ මෙම අදහස් පළකර ඇත. පාස්කු ප්‍රහාරය පිළිබඳ සත්‍ය තොරතුරු හෙළිකිරීම ප්‍රමාද කිරීමෙන් සමස්ත රටේම ආරක්ෂාව අනතුරේ හෙළීමක් බවත් කාදිනල් රංජිත් හිමියන් තවදුරටත් පවසා ඇත.
