ඉදිරි සති කිහිපය අවදානම්, සෞඛ්‍ය අංශ අනතුරු අඟවයි..
කොවිඩ් 19 වසංගත තත්ත්වයේ සීඝ්‍ර වර්ධනයක් පෙන්නුම් කරමින් තිබෙන බැවින් ඉදිරි සති කිහිපය ඉතා තීරණාත්මක හා අවදානම් බව සෞඛ්‍ය සේවා අධ්‍යක්ෂ ජනරාල්වරයා අවධාරණය කර සිටියි. මේ අනුව ඉදිරි කාලය තුළ කිසිදු උත්සව අවස්ථාවකට ඒකරාශීවීමක් සිදු නොකරන ලෙස ජනතාවගෙන් ඉල්ලා සිටින බව ද සෞඛ්‍ය සේවා අධ්‍යක්ෂ ජනරාල්වරයා වැඩිදුරටත් පවසයි. අලුත් අවුරුදු සමය තුළ කොවිඩ් ආසාදිතයින් වාර්තා වීමේ යම් අඩු වීමක් දක්නට ලැබුනද නව අවුරුදු සමයෙන් පසු එම තත්ත්වයේ යම් වර්ධනයක් දක්නට ලැබෙන බවද සෞඛ්‍ය සේවා අධ්‍යක්ෂ ජනරාල්වරයා තවදුරටත් අනාවරණය කර සිටියි.
