නායක දිමුත්ගෙන් ද්විත්ව ශතකයක්, ධනංජය 154 යි..
පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී සංචාරක බංග්ලාදේශ කණ්ඩායම සමඟ පැවැත්වෙන පළමු ටෙස්ට් ක්‍රිකට් තරගයේ සිව්වන දිනය නිමාවන වන විට ශ්‍රී ලංකා කණ්ඩායම කඩුලු 3 ක් බිඳ වැටී ලකුණු 512 ක් ලබා සිටියේය. අයහපත් කාලගුණ තත්ත්වය හේතුවෙන් සිව් දිනය නිමාකර තරඟය නරත කරන විට ශ්‍රී ලංකා කණ්ඩායමේ නායක දිමුත් කරුණාරත්න නොදැවී ලකුණු 234 ක් ද ධනංජය ද සිල්වා ලකුණු 154 ක් ද රැස්කර ගෙන සිටියේය. සිව්වන කඩුල්ල සඳහා ඔවුන් දෙදෙනා ගොඩනැගුණු සබඳතාව ලකුණු 322 කි. තරගයේ මුලින් පන්දුවට පහරදුන් බංග්ලාදේශ කණ්ඩායම සිය පළමු ඉනිම සඳහා කඩුලු 7 ක් දැවී ලකුණු 541 ක් ලබාගෙන පන්දුවට පහරදීමේ අවස්ථාව ශ්‍රී ලංකා කණ්ඩායමට ලබාදෙන ලදී. ඒ අනුව ශ්‍රී ලංකා කණ්ඩායම මේ වනවිට බංග්ලාදේශ කණ්ඩායමේ පළමු ඉනිමට වඩා ලකුණු 29 ක් පිටුපසින් සිටියි.
