ප්‍රදේශ කිහිපයකට අද වැසි..
අද (02) දිනය තුළ දිවයිනේ ප්‍රදේශ කිහිපයකට මිලි මීටර් 100 ඉක්මවු වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි. ඒ අනුව බස්නාහිර, සබරගමුව, මධ්‍යම සහ වයඹ පළාත්වල මෙන්ම ගාල්ල සහ මාතර දිස්ත්‍රික්කවල ස්ථාන රැසක අද දිනයේදී වැසි ඇතිවීමේ වැඩි අවස්ථාවක් ඇති බව එම ආරංචි මාර්ග තවදුරටත් පවසයි. එමෙන්ම නැගෙනහිර සහ උතුරු පළාත්වලද අද පෙරවරුවේදී වැසි ඇතිවිය හැකි බව ද කාලගුණ විද්‍යා දෙපාර්තමේන්තුව තවදුරටත් අනාවරණය කර සිටියි.
