වාහන පරීක්‍ෂාවේදී විශේෂ ස්ටිකරයක්..
ගතවූ පැය 24 ක කාලය තුළ නිරෝධායන නීති උල්ලංඝනය කරන ලද පුද්ගලයන් 1,038 දෙනෙකු අත්අඩංගුවට ගෙන ඇතැයි පොලිස් ආරංචි මාර්ග පවසයි. නිරෝධායන නීති කඩ කිරීම සම්බන්ධයෙන් අත්අඩංගුවට ගන්නා ලද පුද්ගලයින් සංඛ්‍යාව 1000 ඉක්මවු දෙවන දිනය ලෙස ඊයේ දිනය සටහන් වන බවද එම ආරංචි මාර්ග තවදුරටත් පවසා සිටියි. මේ අතර දිවයින පුරා සිදුකරන වාහන පරීක්‍ෂා කිරීම් වලදී අද (02) සිට පරීක්‍ෂාවට ලක්වන වාහන මත විශේෂ ස්ටිකරයක් ඇලවීමට කටයුතු කෙරෙන බව පොලිස් මාධ්‍ය ප්‍රකාශක කාර්යාලාය අනාවරණය කර සිටියි. ඒ අනුව සිදුවන ප්‍රමාදයන් වළක්වාගත හැකිවනු ඇති බවද එම ආරංචි මාර්ග පවසා සිටියි.
