වසංගතය නිසා ශ්‍රී ලංකාව රතු ලැයිස්තුවට ඇතුළත් කිරීමට බ්‍රිතාන්‍ය තීරණය කරයි..
කෝවිඩ් 19 වසංගත තත්ත්වය හේතුවෙන් ශ්‍රී ලංකාව රතු ලැයිස්තුවට ඇතුළත් කරගැනීමට බ්‍රිතාන්‍ය විසින් තීරණය කර තිබෙන බව වාර්තා වේ. ඒ අනුව අත්‍යවශ්‍ය හේතුවකට හැර ශ්‍රී ලංකාවේ සංචාරය නොකරන්නැයි බ්‍රිතාන්‍යය රජය එරට පුරවැසියන්ට දැනුම් දී තිබේ. එමෙන්ම අත්‍යවශ්‍ය හේතුවකට හැර ශ්‍රී ලංකාවේ සිට පැමිණ බ්‍රිතාන්‍යයේ සංචාරය නොකරන ලෙස ද එරට රජය දැනුම් දී ඇත. එලෙස ශ්‍රී ලංකාවේ සිට පැමිණ බ්‍රිතාන්‍යයේ සංචාරය කරන්නේ නම් අදාළ මුදල් ගෙවා නිරෝධායනය වීම අනිවාර්යය බවද බ්‍රිතාන්‍යය රජය අවධාරණය කර සිටියි.
