ගම්මන්පිලට සමගියෙන් විශ්වාසභංගයක්..
ඉන්ධන මිල ඉහළ දැමීම සම්බන්ධයෙන් විෂයභාර අමාත්ය උදය ගම්මන්පිල මහතාට එරෙහිව සමගි ජනබලවේගය පක්ෂයේ මන්ත්රිවරුන් විසින් ගෙන ඒමට නියමිත විශ්වාසභංග යෝජනාව අද (22) දිනයේදී කථානායක මහින්ද යාපා අබේවර්ධන මහතාට ඉදිරිපත් කිරීමට නියමිතව ඇත. ඒ අනුව මෙම විශ්වාසභංග යෝජනාවට පක්ෂයේ මන්ත්රිවරුන් 40කට ආසන්න සංඛ්යාවක් අත්සන් තබා ඇති අතර ඊට අමතරව අද උදෑසන පාර්ලිමේන්තුව පිවිසීමේ දි ඉන්ධන මිල ඉහළ දැමීම ඇතුළු කරුණු කිහිපයක් මුල්කර ගනිමින් විරෝධතාවක් පැවැත්වීමටද නියමිත බවත් පක්ෂයේ ජාතික සංවිධායක පාර්ලිමේන්තු මන්ත්රී තිස්ස අත්තනායක මහතා පැවසීය.