මාතලේ ගම් ප්‍රදේශ දෙකක් හුදකලා කරයි, තවත් ප්‍රදේශ කිහිපයක හුදකලා බව ඉවතට..
අද (08) පෙරවරු 6.00 සිට ක්‍රියාත්මක වන පරිදි මාතලේ දිස්ත්‍රික්කයේ මාතලේ පොලිස් බලප්‍රදේශයේ බෝගහකොටුව ග්‍රාම නිලධාරී වසමේ අගලවත්ත හා හරස්ගම යන ප්‍රදේශ දෙක හුදකලා කිරීමට තීරණය කර ඇත. එමෙන්ම හුදකලා කර තිබූ ප්‍රදේශ කිහිපයක හුදකලාභාවය අද උදෑසන සිට ඉවත්කර තිබේ. ඒ අනුව මඩකලපුව දිස්ත්‍රික්කයේ කාත්තණ්කුඩි පොලිස් බලප්‍රදේශයේ කාත්තන්කුඩි කොටස 4 164, කාත්තන්කුඩි කොටස 5 164A, කාත්තන්කුඩි කොටස 5 දකුණ 164B, නව කාත්තන්කුඩි කොටස නැගෙනහිර 162A, කාත්තන්කුඩි කොටස 6 බටහිර 162B යන ප්‍රදේශ සහ මාතලේ දිස්ත්‍රික්කයේ, මහවෙල පොලිස් බලප්‍රදේශයේ නිකගොල්ල E 333 සහ නිකගොල්ල උතුර E 333/A යන ප්‍රදේශ මෙසේ හුදකලා බවින් ඉවත් කර ඇත.
