සහරාන්ගේ අන්තවාදී පන්ති වලට සහභාගිවූ තරුණයෙකු අත්අඩංගුවට..
පාස්කු ප්‍රහාරය මෙහෙයවූ බව පැවසෙන සහරාන් හෂීම් නැමති පුද්ගලයා විසින් පවත්වන ලද අන්තවාදී පුහුණු පන්ති සඳහා සහභාගී වු මුස්ලිම් තරුණයෙකු නාරම්මල ප්‍රදේශයේදී පොලිස් අත්අඩංගුවට පත්ව ඇති බව වාර්තා වේ. මොහොමඩ් සියාම් නම් 24 වියැති අදාළ සැකකරු මේ වනවිට කොච්චිකඩේ, දළුපොත ප්‍රදේශයේ පදිංචිව සිටින බවට තොරතුරු අනාවරණයවී ඇති අතර පාස්කු ප්‍රහාරය සම්බන්ධයෙන් අපරාධ පරීක්ෂණ දෙපාර්තමේන්තුව හා ත්‍රස්ත විමර්ශන කොට්ඨාසය මඟින් සිදුකරන විමර්ශන අනුව මෙම සැකකරු අත්අඩංගුවට පත්ව ඇත.
