කොළඹ ප්‍රදේශ රැසකට පැය 21 ක ජල කප්පාදුවක්..
හෙට (10) උදෑසන 09.00 සිට අනිද්දා (11) උදෑසන 06.00 දක්වා පැය 21 ක කාලයක් කොළඹ ප්‍රදේශ රැසකට ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය අනාවරණය කර සිටියි. ඒ අනුව කොළඹ 01, 02, 03, 07, 08, 09, 10 සහ 11 යන ප්‍රදේශවලට මෙසේ ජල සැපයුම අත්හිටුවනු ඇත. එමෙන්ම කොළඹ 04 සහ 12 යන ප්‍රදේශවලට එම කාලයේදී අඩු පීඩනයකින් ජලය සැපයෙන බව ද එම ආරංචි මාර්ග පවසයි. අත්‍යාවශ්‍ය නඩත්තුවක් හේතුවෙන් මෙසේ ජල සැපයුම අත්හිටුවීමට සිදුව ඇතැයි ජාතික ජල සම්පාදන හා ජලාපවහන මණ්ඩලය වැඩිදුරටත් පවසයි.
