ඉන්දු – ශ්‍රී ලංකා එක්දින තරඟාවලිය දින 04 කින් කල් යයි..
පවතින තත්ත්වය සැලකිල්ලට ගනිමින් ලබන 13 වනදා ආරම්භ කිරිමට නියමිතව තිබූ ඉන්දීය කණ්ඩායම සහ ශ්‍රී ලංකා කණ්ඩායම අතර සීිමිත පන්දුවාර ක්‍රිකට් තරගාවලිය දින 04 කින් කල්දැමීමට තීරණය කළ බව ශ්‍රී ලංකා ක්‍රිකට් ආයතනය පවසා සිටියි. ශ්‍රී ලංකා කණ්ඩායමේ පිතිකරණ පුහුණුකරු ග්‍රාන්ට් ෆ්ලවර් සහ දත්ත විශ්ලේෂක ටී.ජී. නිරෝෂන් යන මහත්වරුන්ට කොරෝනා වෛරසය ආසාදනය වීම හේතුවෙන් මෙසේ අදාළ තරඟ කාලසටහන සංශෝධනය කිරීමට තීරණය කර තිබේ. ඒ අනුව මෙම එක්දින ක්‍රිකට් තරගාවලිය ලබන 17 වනදා ආරම්භ කිරීමට කටයුතු යොදා ඇත.
