ප්‍රදානයක් ලෙස චීනයෙන් හිමිවූ සයිනොෆාම් එන්නත් මාත්‍රා ලක්ෂ 16 ක් දිවයිනට..
ප්‍රදානයක් ලෙස චීනයෙන් මෙරට හිමිවී ඇති සයිනොෆාම් එන්නත් මාත්‍රා ලක්ෂ 16 යෙන් කොටසක් රැගත් ගුවන්යානය අද (27) පෙරවරු 08.00 ට පමණ කටුනායක ගුවන්තොටුපොළ වෙත පැමිණ ඇති බව වාර්තා වේ. එම එන්නත් මාත්‍රා තොගයේ දෙවන තොගයද පෙරවරු 10.00 පමණ වන විට කටුනායක ගුවන්තොටුපොළ වෙත පැමිණීමට නියමිතව ඇති බවද වාර්තා වේ. චීන රජය විසින් එක් වතාවකදී ප්‍රදානයක් ලෙස මෙරටට ලැබී ඇති වැඩිම කොවිඩ් මර්දන එන්නත් ප්‍රමාණය ලෙස මෙම එන්නත් තොගය සඳහන් වේ. මෙම එන්නත් තොගය සමග චීනය විසින් මේ දක්වා ශ්‍රී ලංකාවට ප්‍රදානය කර තිබෙන මුළු සයිනොෆාම් එන්නත් ප්‍රමාණය ලක්ෂ 27 ක් වේ.
