ගැසට් පත්‍රයේ මහින්ද රාජපක්ෂ මහතාගේ නම සදහන් කළේ මහ බැංකුවේ උපදෙස්‌ මතයි, වැඩබලන රජයේ මුද්‍රණාලයාධිපතිනිය කොමිසමට සාක්ෂි දෙමින් කියයි..
මහ බැංකු බැඳුම්කර නිකුතුව සම්බන්ධයෙන් මතභේදයට තුඩුදී ඇති 1895/19 අංක දරණ ගැසට් පත්‍රයේ හිටපු ජනාධිපති මහින්ද රාජපක්ෂ මහතාගේ නම සදහන් කරමින් නිකුත් කරන ලද්දේ ශ්‍රී ලංකා මහ බැංකුවේ උපදෙස්‌ මත බව වැඩබලන රජයේ මුද්‍රණාලයාධිපතිනි ගංගානි කල්පනා ලියනගේ මහත්මිය පවසා අැති බව වාර්තා වේ. අැය මේ බව පවසා අැත්තේ ඊයේ (27) මහ බැංකු භාණ්‌ඩාගාර බැඳුම්කර පිළිබද විමර්ශනය කිරීමේ ජනාධිපති කොමිසම හමුවේ සාක්ෂි දෙමිනි.
