පිල්ලෙයාන් තව දුරටත් බන්ධනාගාර ගත කරයි..
නැගෙනහිර පළාත් හිටපු ප්‍රධාන අමාත්‍ය ශිවනේෂතුරෙයි චන්ද්‍රකාන්තන් හෙවත් පිල්ලෙයාන් තව දුරටත් රක්ෂිත බන්ධනාගාර ගත කිරීමට මඩකළපුව මහේස්ත්‍රාත් එම්.ගනේෂරාජා මහතා නියෝග කර ඇති බව වාර්තා වේ.චන්ද්‍රකාන්තන් මහතා නැවත බන්ධනාගාර ගත කරන ලද්දේ 33 වැනි වරටයි. හිටපු පාර්ලිමේන්තු මන්ත්‍රී ජෝෂප් පරරාජසිංහම් ඝාතනය සම්බන්ධයෙන් චෝදනා කරමින් අපරාධ පරීක්ෂණ දෙපාර්තමේන්තුව විසින් පිල්ලෙයාන් මහතාව අත්අඩංගුවට ගන්නා ලද අතර අද (06) පෙරවරුවේ ඔහු මඩකළපුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව ලබන 20 දා තෙක් යළි රක්ෂිත බන්ධනාගාර ගත කරන ලෙස මහේස්ත්‍රාත්වරයා විසින් නියෝග කරන ලදී.
