විදුලි බලාගාර ආශ්‍රිත ප්‍රදේශයන්ට තද වැසි, වාන් දොරටු විවෘත කිරීමේ අවශ්‍යතාවක් නෑ..
විදුලි බලාගාර ආශ්‍රිත ප්‍රදේශයන්ටද මේ වන විට ඉහළ වර්ෂාපතනයක් ලැබෙමින් පවතින බව විදුලිබල හා පුනර්ජනනීය බලශක්ති අමාත්‍යංශය පවසා සිටියි. ලක්ෂපාන, විමලසුරේන්ද්‍ර සහ කැනියොන් ජලාශ පිටාර මට්ටමට පැමිණ ඇති අතර මාවුස්සාකැලේ, කාසල්රී ජලාශ වාන් මට්ටම ළඟා වී නොමැති බවද එම අාරංචි මාර්ග වැඩිදුරටත් පවසා සිටියි. කෙසේ වෙතත් ලංකා විදුලි බල මණ්ඩලයට අයත් විදුලි බලාගාර ආශ්‍රිත ජලාශයන්හි වාන් දොරටු විවෘත කිරීමේ අවශ්‍යතාවක් මතු නොවන බවද විදුලි බල හා බලශක්ති අමාත්‍යංශය අනාවරණය කර සිටියි.
