නාය යාමෙන් ජලය බෙදාහරින ප්රධාන නළ මාර්ගයකට හානි, කලටුවාව සහ ලබුගම ජල පවිත්රාගාරයන්හි සිට ජලය බෙදා හැරීමට බාධා..
ප්රදේශ කිහිපයක ජල සැපයුමට දැඩි බාධා එල්ල වී ඇති බව ජාතික ජල සම්පාදන හා ජලාපවහන මණ්ඩලය අනාවරණය කර සිටියි. අයහපත් කාලගුණ තත්ත්වය මත අැතිවූ නාය යාමක් නිසා කලටුවාව සහ ලබුගම ජල පවිත්රාගාරයන්හි සිට ජලය බෙදාහරින ප්රධාන නළ මාර්ගයට හානි සිදුවීම ඊට හේතුව බවද ජාතික ජල සම්පාදන හා ජලාපවහන මණ්ඩලය වැඩිදුරටත් පවසා සිටියි. කළුඅග්ගල, තුන්මෝදර ප්රදේශයේ සිදුවූ නායයෑමකින් මෙම තත්ත්වය අැතිවී තිබෙන අතර වග, කළුඅග්ගල, හංවැල්ල, ජයවීරගොඩ, ජලතර, රණාල සහ නවගමුව යන ප්රදේශයන්හි ජල සැපයුම මේ නිසා බිඳ වැටී ඇති බව වාර්තා වේ.