මාධ්‍ය සංදර්ශන පැවැත්වීමෙන් සහ උද්වේගකාරී අදහස් පළ කිරීමෙන් ඩෙංගු රෝගය මැඩලිය නොහැකි බව සෞඛ්‍ය අමාත්‍යවරයා තේරුම්ගත යුතුයි – රජයේ වෙෙද්‍ය නිලධාරීන්ගේ සංගමය
මාධ්‍ය සංදර්ශන වලින් සහ උත්සව සභාවන් වලදී සිදු කරනු ලබන උද්වේගකාරී අදහස් පළ කිරීම් වලින් ඩෙංගු රෝගය මර්දනය කළ නොහැකි බව සෞඛ්‍ය අමාත්‍යවරයා තේරුම්ගත යුතුව අැති බව රජයේ වෙෙද්‍ය නිලධාරීන්ගේ සංගමය අවධාරණය කර සිටියි.
රජයේ වෙෙද්‍ය නිලධාරීන්ගේ සංගමය විසින් නිකුත් කරන ලද නිවේදනයක මේ බව සදහන්ව අැති අතර, ඩෙංගු රෝගය මැඩලීම සදහා අවශ්‍ය කිසිදු ක්‍රියාමාර්ගයක් දියත් නොකළද වෘත්තීය සමිති ක්‍රියාමාර්ගයන් සදහා සෞඛ්‍ය වෘත්තීය සමිති පොළඹවන වත්මන් සෞඛ්‍ය අමාත්‍යවරයා නන්දොඩවමින් සිටින බවද එම නිවේදනය තුළ වැඩිදුරටත් සදහන්ය.
ඩෙංගු වසංගත තත්ත්වය මැඩලීම සම්බන්ධයෙන් සෞඛ්‍ය අමාත්‍යංශය විසින් නිසි වැඩපිළිවෙළක් වහාම දියත් කළයුතුව අැති අතර ඩෙංගු රෝගී තත්ත්වය පිළිබදව සත්‍ය තොරතුරු රටට හෙළි නොකිරීමට අමාත්‍යංශය විසින් ගෙන අැති තීරණය නිසා ද තත්ත්වය තවතවත් ව්‍යාකූල විය හැකි බව ද රජයේ වෙෙද්‍ය නිලධාරීන්ගේ සංගමය මෙම නිවේදනය තුළින් තවදුරටත් අවධාරණය කර සිටියි. වත්මන් සෞඛ්‍ය අමාත්‍යවරයාගේ හිතුවක්කාරී මෙන්ම වගකීම් විරහිත ප්‍රකාශ හමුවේ වුව ද පවතින අර්බුදකාරී තත්ත්වය මැඩලීම සදහා අවශ්‍ය සියළු උත්සාහයන් දියත් කිරීමට තම සංගමය පසුබට නොවන බව ද මෙම නිවේදනයේ වැඩිදුරටත් සදහන්ය.
