ප්‍රමුඛතා මංතීරු නීතිය කඩකරන්නන් හදුනා ගැනීමට සිවිල් ආරක්ෂක බලකායේ සහය…
මාර්ග තදබදය අවම කිරිමේ අරමුණින් ක්‍රියාත්මක කරන ලද ප්‍රමුඛතා මංතීරු නීතිය කඩ කරන රියදුරන් හදුනා ගැනීම සදහා පොලීස් නිලධාරීන් හට සහයෝගය ලබා දීම සදහා සිවිල් ආරක්ෂක බලකා නිලධාරින් යෙදවිමට තීරණය කර ඇත. එම ප්‍රමුඛතා මංතීරු නීතියේ අදියර 03 මේ වන විට සාර්ථකව සිදු වෙමින් පවතින අතර එහි 04 වන අදියර ලෙස මරදාන හා බොරැල්ල නගර කේන්ද්‍ර කර ගනිමින් නොවැම්බර් මාසයේදී ක්‍රියාත්මක කිරිමට සැලසුම් කර ඇති බව මහගනර හා බස්නාහිර සංවර්ධන අමාත්‍යාංයශයේ අතිරේක ලේකම් මාධව වෛද්‍ය රත්න මහතා සඳහන් කරයි. ප්‍රමුඛතා මංතීරු ක්‍රමය තුලින් මගීන්ට විශාල සේවාවක් ලබා දීම සදහා ඉදිරියේදී සුඛෝපබෝගී බස් රථ සේවාවක්ද හදුන්වා දීමට නියමිත බව මාධව වෛද්‍ය රත්න මහතා සඳහන් කර සිටියි.
