හමුදා සාමාජිකයින් ගංජා වගාවට සැරසේ..
ආයුර්වේද ඖෂධ නිෂ්පාදනය සඳහා අවශ්‍ය කංසා වගා කිරීම සඳහා වූ ව්‍යාපෘතියක් ක්‍රියාත්මක කල යුතු බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා තීරණය කර ඇත. ඒ සෞඛ්‍ය, පෝෂණ හා දේශීය වෛද්‍ය අමාත්‍යාංශයේ උපදේශක සභාවේ සාමාජිකයින් සහ සෞඛ්‍ය අමාත්‍ය දොස්තර රාජිත සේනාරත්න මහතා සමග සෞඛ්‍ය අමාත්‍යාංශයේ දී පැවැති සාකච්ඡාවකදීය. එහිදී වැඩිදුරටත් සාකච්ඡාව කර ඇත්තේ ආයුර්වේද ඖෂධ නිෂ්පාදනය සඳහා අවශ්‍ය කංසා ශ්‍රී ලංකාවේ වගා කිරීම උචිත බවත් එය මෙරට හමුදා සාමාජිකයින් යොදවා ගනිමින් සාර්ථකව කරගෙන යාමේ හැකියාවක් පවතින බවත්ය. ඒ අනුව මෙරට කංසා වගා කිරීම තුලින් විදේශ විනිමය ලබාගත හැකි අතර 2020 සිට දුම්කොළ වගා කිරීම තහනම් කිරීම හේතුවෙන් අපහසුතාවයට පත්වී සිටින ගොවි ජනතාවට ආයුර්වේද ඖෂධ වගා කිරීම කෙරෙහි වැඩි වශයෙන් යොමු කිරීමට ද හැකි වන බවයි.
