මධ්යම අධිවේගී මාර්ගයේ පළමු අදියර සදහා චීන ආධාර…
මෙරට මධ්යම අධිවේගී මාර්ගයේ පළමු අදියර සදහා ඩොලර් බිලියනක ණය මුදලක් ලබාදීමට චීන රජය එකඟත්වය පළ කර ඇතැයි අග්රාමාත්ය කාර්යාලය නිවේදනයක් නිකුත් කරයි. ඊයේ (14) ශ්රී ලංකාවේ චීන තානාපති චෙන්ග් ෂියුවාන් මහතා මෙරට අග්රාමාත්ය රනිල් වික්රමසිංහ මහතා හමුවී ඒ බව දැනුම් දී ඇති අතර චීනයේ ‘එක්සිම්’ බැංකුව මගින් අදාළ ණය මුදල ලබා දීමට එකගතාවය පළ කර ඇති බවත් ඒ සදහා අවශ්ය නෛතික හා පරිපාලන කටයුතු කඩිනම් කරන්නැයි ද චීන තානාපතිවරයා අග්රාමාත්යවරයාගෙන් ඉල්ලා ඇති බව අග්රාමාත්ය කාර්යාලය නිවේදනය කරයි. මෙම සාකච්ඡාවේදී දෙරට අතර අත්සන් කිරීමට නියමිත නිදහස් වෙළෙඳ ගිවිසුමට අදාළ කටයුතු කඩිනම් කරන්නැයි ද චීන තානාපතිවරයා අග්රාමාත්යවරයාගෙන් ඉල්ලා ඇත.