වික්ටෝරියා සහ තබ්බෝව ජලාශ වල වාන් දොරටු විවෘතයි, අවධානයෙන් පසුවන්න – ආපදා කළමනාකරණ මධ්‍යස්ථානය
මහනුවර, මාතලේ සහ නුවරඑළිය යන දිස්ත්‍රික් සදහා නායයෑම් අනතුරු ඇගවීම් නිවේදන නිකුත් කර ඇතැයි ආපදා කළමනාකරණ මධ්‍යස්ථානය අනාවරණය කර සිටියි. මේ අතර දිවයිනට බලපා ඇති වැසි සහිත කාලගුණය නිසා ඊයේ (24) රාත්‍රි කාලයේ සිට වික්ටෝරියා සහ තබ්බෝව ජලාශ වල වාන් දොරටු දෙක බැගින් විවෘත කර ඇත. මේ හේතුවෙන් එම ජලාශයන්හි පහළ ප්‍රදේශයන්හි ජීවත්වන ජනතාවට අවධානයෙන් පසුවන ලෙසද ආපදා කළමනාකරණ මධ්‍යස්ථානය අවධාරණය කර සිටියි.
