ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුණරත්න අධිකරණයට පැමිණෙයි..
තරුණයින් පිරිසක් පැහැරගෙන යාම සම්බන්ධ සිද්ධියකට අදාළව විභාග වන නඩුවකට පෙනී සිටීම සදහා ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුණරත්න මහතා අද (28) උදෑසන කොටුව මහේස්ත්‍රාත් අධිකරණය වෙත පැමිණ ඇති බව වාර්තා වේ. තරුණයින් 11 දෙනෙකු පැහැරගෙන යාම සම්බන්ධයෙන් චෝදනා එල්ලව ඇති ප්‍රධාන සැකකරුවෙකුට රැකවරණය ලබාදුන් බවට අද්මිරාල් රවින්ද්‍ර විජේගුණරත්න මහතාට චෝදනා එල්ල වී ඇති අතර අපරාධ පරීක්ෂණ දෙපාර්තමේන්තුව හමුවේ පෙනී සිටින්නැයි මීට පෙර ඒ මහතාට ලිඛිතව දැනුම්දී තිබුනද ඔහුට අපරාධ පරීක්ෂණ දෙපාර්තමේන්තුව හමුවේ පෙනී සිටීමට නොහැකි විය. සේවයේ අවශ්‍යතාවය විදෙස් ගතව සිටීම නිසා අද්මිරාල් රවින්ද්‍ර විජේගුණරත්න මහතාට අපරාධ පරීක්ෂණ දෙපාර්තමේන්තුව හමුවේ පෙනි සීටිමට නොහැකි විය.
