පළමු ටෙස්ට් තරගයට වර්ෂාවෙන් බාධා, තරගය ජය පරාජයෙන් තොරව අවසන්..
සංචාරක ශ්රී ලංකා කණ්ඩායම සහ නවසීලන්ත කණ්ඩායම අතර පැවැති පළමු ටෙස්ට් තරගය වර්ෂාව හේතුවෙන් ජය පරාජයෙන් තොරව අවසන් විය. සිය මුල් ඉනිම සඳහා පන්දුවට පහරදුන් ශ්රී ලංකා කණ්ඩායම සියලු දෙනා දැවී ලකුණු 282 ක් ලබාගත් අතර සිය පළමු ඉනිම සදහා සියළු ක්රීඩකයින් දැවී දැවැන්ත ලකුණු 578 ක් ලබාගැනීමට නවසීලන්ත කණ්ඩායම සමත් විය. කෙසේ වෙතත් පළමු ඉනිමේදී ලකුණු 296 ක් පසුපසින් සිට සිය දෙවන ඉනිම සදහා පිටියට පිවිසි ශ්රී ලංකා කණ්ඩායම කඩුළු 03 ක් දැවී ලකුණු 287 ක් ලබාගැනීමට සමත්වූ අතර එහිදී ඇන්ජලෝ මැතිව්ස් නොදැවී ලකුණු 120 ක් සහ කුසල් මෙන්ඩිස් නොදැවී ලකුණු 141 ක් ද ලබාගන්නා ලදී.