මරදානේ වෙඩිතැබීමකින් එක් අයෙකුට තුවාල..
ඊයේ (01) රාත්රී කාලයේ මරදාන ප්රදේශයේදී වෙඩිතැබීමක් සිදුව ඇති බව වාර්තා වේ. මාලිගාකන්ද පාර, කොළඹ 10 ප්රදේශයේ නිවසක් තුළ සිදුව ඇති මෙම වෙඩි තැබීමෙන් එක් පුද්ගලයෙකු තුවාල ලැබීම නිසා කොළඹ ජාතික රෝහලට ඇතුළත් කර ඇති අතර ඔහු ප්රතිකාර ලබා මේ වන විට රෝහලෙන් පිටව ගොස් තිබේ. අදාළ නිවසට පැමිණි පුද්ගලයෙකු සහ නිවසේ පදිංචිව සිටි, තුවාල ලැබූ පුද්ගලයා අතර බහින්බස්වීමක් ඇතිවීමෙන් පසු මෙම වෙඩිතැබීම සිදුව තිබේ. වෙඩි තැබූ සැකකරු අත්අඩංගුවට ගැනීමට මරදාන පොලීසිය විසින් විමර්ශනයක් ආරම්භ කර තිබේ.