හිටපු නාවික හා ගුවන් හමුදාපතිවරුන් දෙදෙනෙකුට ගෞරවනීය නිල පිරිනැමේ..
හිටපු නාවික සහ ගුවන් හමුදාපතිවරුන් වන විශ්රාමික අද්මිරාල් වසන්ත කරන්නාගොඩ මහතාටත් විශ්රාමික එයාර් චීෆ් මාර්ෂල් රොෂාන් ගුණතිලක මහතාටත් ගෞරවනීය නිලයන් පිරිනමා ඇති බව වාර්තා වේ. තිස් වසරක් පුරා මෙරට තුළ පැවති කුරිරු ත්රස්තවාදය තුරන් කිරිම වෙනුවෙන් සිදුකළ මෙහෙවර අගයමින්, ජනාධිපති මෛත්රිපාල සිරිසේන මහතා විසින් අදාළ ගෞරවනිය නිලයන් පිරිනමා තිබේ.
ඒ අනුව හිටපු නාවික හමුදාපති විශ්රාමික අද්මිරාල් වසන්ත කරන්නාගොඩ මහතාට අද්මිරාල් ඔෆ් ද ෆ්ලීට් යන ගෞරවනීය නිලය ද හිටපු ගුවන් හමුදාපති විශ්රාමික එයර් චීෆ් මාෂල් රොෂාන් ගුණතිලක මහතාට මාෂල් ඔෆ් ද එයාර්ෆෝර්ස් යන ගෞරවනීය නිලය ද පිරිනමා ඇත.