අභිනව යුද හමුදාපති ලුතිතන් ජෙනරාල් ශවේන්ද්‍ර සිල්වා සිය ධූරයෙහි වැඩ භාරගනියි..
යුද හමුදාපති ධූරයට අභිනවයෙන් පත්වූ ලුතිතන් ජෙනරාල් ශවේන්ද්‍ර සිල්වා මහතා අද (21) පෙරවරුවේ සිය ධූරයෙහි වැඩභාර ගන්නා ලදී. ඒ යුද හමුදා මූලස්ථානයේ දීයි. ලුතිතන් ජෙනරාල් ශවේන්ද්‍ර සිල්වා මහතා මෙරට 23 වන යුද්ධ හමුදාධිපතිවරයායි. ආගමික ආශීර්වාද සහ සාම්ප්‍රදායික හමුදා ගෞරවාචාර මධ්‍යයේයි ශවේන්ද්‍ර සිල්වා මහතා සියධූරයෙහි කටයුතු ආරම්භ කරන ලදී. ලුතිතන් ජෙනරාල් ශවේන්ද්‍ර සිල්වා මහතා ගජබා රෙජිමේන්තුවෙන් බිහි වූ ප්‍රථම යුද හමුදාපතිවරයා ලෙස ඉතිහාසයට එක්වේ.
