දෙවන තරගයේ ජය නවසීලන්තයට, තරගාවලිය සමවෙයි..
සංචාරක නවසීලන්ත පිල සහ ශ්‍රී ලංකා පිල අතර පැවති දෙවන ටෙස්ට් ක්‍රිකට් තරගයෙන් විශිෂ්ඨ ඩයක් ලබාගැනීමට නවසීලන්ත කණ්ඩායම ඊයේ (26) සමත්විය. තරගය කොළඹ, පී. සරා ඕවල් ක්‍රීඩාංගණයේ පැවැති අතර එහිදී ඉනිමක සහ ලකුණු 65 ක ජයක් තමන් සතුකරගැනීමට නවසීලන්තයට හැකිවිය. ශ්‍රී ලංකා කණ්ඩායම සිය පළමු ඉනිම සඳහා සියලු දෙනා දැවී ලකුණු 244 ක් ලබාගත් අතර නවසීලන්ත කණ්ඩායම සිය පළමු ඉනිම වෙනුවෙන් කඩුළු 6 ක් දැවී ලකුණු 431 ක් ලබාගන්නා ලදී. තරගයේ පස්වන සහ අවසන් දිනය වූ ඊයේ දිනයේදී සිය දෙවන ඉනිම වෙනුවෙන් පන්දුවට පහරදෙමින් සිටි ශ්‍රී ලංකා පිල ලකුණු 112 කට සීමාවිය. මෙහිදී නිරෝෂන් දික්වැල්ල ලකුණු 51 ක් සහ නායක දිමුත් කරුණාරත්න ලකුණු 21 ක් ලබාගන්නා ලදී. ඒ අනුව තරග දෙකකින් සමන්විත මෙම ටෙස්ට් තරගාවලිය 1-1 ක් ලෙස ජය පරාජයෙන් තොරව අවසන් විය.
