රනිල් නැවත අග‍මැති කරන උත්සහයකට සහය දක්වන්නේ නෑ – පාර්ලිමේන්තු මන්තී‍්‍ර පූජ්‍ය අතුරලියේ රතන හිමි
රට වෙනුවෙන් සිදුකරන ඉල්ලීම් සදහා වැඩිම එකගතාවයක් දක්වන අපේක්ෂකයාට ඉදිරි ජනාධිපතිවරණයේදී සයහ පළකරන බව පාර්ලිමේන්තු මන්තී‍්‍ර පූජ්‍ය අතුරලියේ රතන හිමියන් අවධාරණය කර සිටියි. මාධ්‍ය වෙත සිය අදහස් දක්වමින් රතන හිමියන් මේ බව පවසා ඇත. උන්වහන්සේ තවදුරටත් පවසා ඇත්තේ රනිල් වික‍්‍රමසිංහ මහතා නැවතත් අග‍්‍රාමාත්‍යවරයා බවට පත්කිරීම සදහා කිසිදු විටෙක සහය නොදක්වන බවයි. පොදු කඳවුරක් නිර්මාණය කර ගෙන ඉදිරි ජනාධිපතිවරණයට ඉදිරිපත් වන, රට වෙනුවෙන් වන යෝජනා සම්බන්ධයෙන් එකගතාවය පළකරන අපේක්ෂකයාට සහය ලබාගැනීම සිදුකළයුතුව ඇති බවත් එමෙන්ම ඕනෑම ජනාධිපතිවරණ අපේක්ෂකයෙකු පාස්කු ඉරිදා ප‍්‍රහාරය සම්බන්ධ විමර්ශන විධිමත් කිරීමේ යාන්ත‍්‍රණයක් ඉදිරිපත් කළයුතුව ඇති බවත් මඩකළපුව විශ්ව විද්‍යාලය සම්බන්ධයෙන් ද ඔහු සාධනීය ප‍්‍රතිචාරයක්ද පළකළයුතුව ඇති බවත් පූජ්‍ය අතුරලියේ රතන හිමියන් මෙහිදී වැඩිදුරටත් අවධාරණය කරමින් කරුණු සදහන් කර තිබේ.
