එක් ජනවර්ගයක පමණක් නොව රටේ සමස්ත ජනතාවගේම ආරක්ෂාව සහතික කරනවා – යුද හමුදාපති ලුතිනල් ජෙනරාල් ශවේන්ද්ර සිල්වා
තමන් යුද හමුදාපතිවරයා ලෙස පත්වීම පිළිබදව දමිළ ජනතාව හෝ වෙනත් කිසිදු ජනවර්ගයක් බියට පත්නොවිය යුතු අතර තමන් එක් ජනවර්ගයක පමණක් නොව රටේ සමස්ත ජනතාවගේම ආරක්ෂාව සහතික කරන බව යුද හමුදාපති ලුතිනල් ජෙනරාල් ශවේන්ද්ර සිල්වා මහතා අවධාරණය කර සිටියි. ඊයේ (26) කොළඹදී පැවති මාධ්ය හමුවකදී සිය අදහස් පළකරමින් ශවේන්ද්ර සිල්වා මහතා මෙම අදහස් පළකරන ලදී.
මෙහිදී මාධ්ය වෙත වැඩිදුරටත් අදහස් දැක්වූ යුද හමුදාපතිවරයා පවසා සිටියේ හමුදා බුද්ධි අංශ ශක්තිමත් කිරීමට අවශ්ය පියවර ගන්නා බවයි. ඒ අනුව බුද්ධි අංශයන් තුළ අවශ්ය වෙනස්කම් සිදුකිරීමට කටයුතු කරන බවත් යුද හමුදාපති ලුතිනල් ජෙනරාල් ශවේන්ද්ර සිල්වා මහතා මෙහිදී වැඩිදුරටත් සිය අදහස් පළකරමින් අවධාරණය කර ඇත.