මරණිය දණ්ඩනය ක්‍රියාත්මක කිරීමට එරෙහිව පනවා තිබූ තහනම් නියෝගය දීර්ඝ වෙයි..
මරණිය දණ්ඩනය ක්‍රියාත්මක කිරීම වළක්වාලමින් පනවන ලද තහනම් නියෝගයක් ලබන වසරේ මාර්තු 20 වන දිනතෙක් තවදුරටත් දීර්ඝ කිරීමට අධිකරණය අද (09) නියෝග කර ඇත. හිටපු ජනපති මෛත්‍රිපාල සිරිසේන මහතා විසින් මත්ද්‍රව්‍ය චෝදනාවන්ට වරදකරුවන් බවට පත්වූ විත්තිකරුවන් සිව් දෙනකුට මරණීය දණ්ඩනය ක්‍රියාත්මක කිරීමට ගන්නා ලද තීරණයට එරෙහිව ඉදිරිපත් කරන ලද මූලික අයිතිවාසිකම් පෙත්සමක් විභාගයට ගත් ශ්‍රේෂ්ඨාධිකරණය විසින් මෙම නියෝගය ලබාදී ඇත. ඒ අනුව අදාළ පෙත්සම් සියල්ල ලබන වසරේ මාර්තු මස 17,18 සහ 19 යන දිනවල දී සලකා බැලීමට ද නියමිතව ඇත.
