ප්‍රදේශ කිහිපයක පවතින වැසි තත්ත්වයේ වැඩිවීමක්..
පළාත් කිහිපයක් තුළ මේ වනවිට ඇතිවී තිබෙන වැසි සහිත කාලගුණ තත්ත්වයේ යම් වැඩිවීමක් හෙට (17) දිනයේ සිටි බලාපොරොත්තු විය හැකි බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව විශේෂයෙන් උතුර, නැගෙනහිර සහ ඌව පළාත්වල පවතින වැසි තත්ත්වයේ වැඩිවීමක් සිදුවනු ඇතැයි එම ආරංචි මාර්ග වැඩිදුරටත් පවසා සිටියි. එමෙන්ම සබරගමුව සහ මධ්‍යම පළාත්වලත් පොළොන්නරුව, හම්බන්තොට, ගාල්ල සහ මාතර දිස්ත්‍රික්කවල ස්ථාන රැසකත් වැසි ඇතිවිය හැකි බව ද කාලගුණ විද්‍යා දෙපාර්තමේන්තුව තවදුරටත් පවසයි.
