දිවයිනේ ප්‍රදේශ කිහිපයක පවතින වැසි තත්ත්වයේ වැඩිවීමක් අද සිට..
දිවයිනේ ප්‍රදේශ කිහිපයක මේ වනවිට පවතින වැසි සහිත කාලගුණ තත්ත්වයේ යම් වැඩිවීමක් අද (17) සිට බලාපොරොත්තු විය හැකි බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව විශේෂයෙන් උතුරු, නැගෙනහිර සහ ඌව පළාත්වල පවතින වැසි තත්ත්වයේ තරමක වැඩිවීමක් ඇතිවනු ඇතැයි එම ආරංචි මාර්ග පවසයි. එමෙන්ම උතුරු මැද, නැගෙනහිර, මධ්‍යම සහ ඌව පළාත්වල මෙන්ම හම්බන්තොට දිස්ත්‍රික්කයේ ස්ථාන රැසකත් වැසි ඇතිවනු ඇතැයි කාලගුණ විද්‍යා දෙපාර්තමේන්තුව තවදුරටත් පවසයි.
