දඩයම්කරුවන් පිරිසකගේ වෙඩි පහරින් වැටලීමකට ගිය වනජීවි නිලධාරියෙකු මරුට..
දඩයම්කරුවන් පිරිසක් විසින් සිදුකරන ලද වෙඩි තැබීමකින් ඉඟිණියාගල වනජීවි කාර්යාලයට අනුයක්ත වනජීවි නිලධාරියෙකු ජීවිතක්ෂයට පත්ව ඇති බව වාර්තා වේ. ගල්ඔය ජාතික වනෝද්‍යානයේ වැටලීමක් සඳහා සහභාගි වෙමින් සිටියදි දඩයම්කරුවන් පිරිසක් විසින් ඊයේ (22) එල්ලකරන ලද වෙඩි පහරින් අදාළ වනජීවි නිලධාරියා මියගොස් ඇත. වෙඩිතැබීම සම්බන්ධයෙන් සැකකරුවන් 04 දෙනෙකු සහ වෙඩි තැබීමට උපයෝගී කරගත් බවට සැකසහිත බෝර 12 ගිනි අවියක් ද අත්අඩංගුවට ගැනීමට පොලිසියට හැකිවී ඇත. දඹගල්ල පොලීසිය මේ සම්බන්ධයෙන් වැඩිදුර විමර්ශන සිදුකරනු ලබයි.
