ප්‍රේමදාස ගුණසමරුව නිමිත්තෙන් පුෂ්පෝපහාර දැක්වීමක්..
දිවංගත ජනාධිපති රණසිංහ ප්‍රේමදාස මහතාගේ 27 වන ගුණසමරුව නිමිත්තෙන් අද (01) පෙරවරු 10.00 ට කොළඹ, අලුත්කඩේ උසාවි සංකීර්ණය අසළ පිහිටි ප්‍රේමදාස පිළිරුවට පුෂ්පෝපහාර දැක්වීමක් සිදුකිරීමට නියමිතව ඇත. සමඟි ජන බලවේගයේ නායක සජිත් ප්‍රේමදාස මහතාගේ ප්‍රධානත්වයෙන් මෙම වැඩසටහන පැවැත්වේ. එමෙන්ම සජිත් ප්‍රේමදාස මහතා විසින් ආරම්භ කරන ලද ජන සුවය අරමුදල මඟින් රුපියල් හතළිස් පන්ලක්‍ෂ පනස් දහසක වටිනාකමෙන් යුත් වකුගඩු රුධිර කාන්දු පාරවීලන යන්ත්‍ර 02 ක් මාලිගාවත්ත වකුගඩු රෝහලට පරිත්‍යාග කිරීමට ද කටයුතු සංවිධානය කර ඇත. මෙම අවස්ථාව ද අද උදෑසන 11.00 ට සජිත් ප්‍රේමදාස මහතාගේ ප්‍රධානත්වයෙන් සිදුකෙරේ.
