පාස්කු ප්‍රහාරයෙන් ජනිතවූ භීතිය හා අනාරක්ෂිත හැඟීම් ඉවතලා සැකයෙන් තොරව ආගමික කටයුතු සිදුකිරීමට අවස්ථාව ලැබී තිබෙනවා – ජනාධිපති ගෝඨාභය රාජපක්ෂ
කොවිඩ් 19 වසංගතය හමුවේ සියළු ක්‍ෂේත්‍රයන් තුළින් අකර්මන්‍ය වූ සමාජය යළි පුබුදුවාලීමට ජේසුස් වහන්සේගේ ධර්මය උපයෝගී කරගත හැකියැයි ජනාධිපති ගෝඨාභය රාජපක්ෂ මහතා අවධාරණය කර සිටියි. නත්තල් දිනය වෙනුවෙන් සුභ පැතුම් පණිවුඩයක් නිකුත් කරමින් ජනාධිපතිවරයා මේ බව සඳහන් කර ඇත.
මෙරට කිතුණුවන් මෙවර නත්තල සමරන්නේ පසුගිය වසරේ සිදුවූ පාස්කු ප්‍රහාරයෙන් ලද කටුක වේදනාව සිතේ දරාගෙන බව අමතක නොකළ යුතු බවත් එම ප්‍රහාරයෙන් ජනිතවූ භීතිය හා අනාරක්ෂිත හැඟීම් ඉවතලා සැකයෙන් බියෙන් තොරව සිය ආගමික කටයුතු සිදුකිරීමට අවස්ථාව ලැබී ඇති බවත් වින්දිතයන්ට යුක්තිය ඉටුකිරීම ද එලෙසින්ම සිදුවනු ඇතිබවත් ජනාධිපති ගෝඨාභය රාජපක්ෂ මහතා සිය නත්තල් සුභපැතුම් පණිවුඩයෙහි වැඩිදුරටත් සඳහන් කර ඇත.
