2015 දී තරුණයෙකු පැහැරගෙන ගොස් පහරදීම, හිරුණිකා ප්‍රේමචන්ද්‍ර අත්අඩංගුවට ගන්නැයි වරෙන්තු..
හිටපු පාර්ලිමේන්තු මන්ත්‍රිනි හිරුණිකා ප්‍රේමචන්ද්‍ර මහත්මිය අත්අඩංගුවට ගෙන අධිකරණයට ඉදිරිපත් කරන ලෙස දන්වමින් කොළඹ මහාධිකරණය විසින් කොළඹ අපරාධ කොට්ඨාශය වෙත වරෙන්තු නිකුත් කර ඇති බව වාර්තා වේ. 2015 වසරේ තරුණයෙකු පැහැරගෙන ගොස් අයුතු ලෙස සිරකර තබා පහරදුන් බවට චෝදනා එල්ලවී තිබෙන හිරුණිකා ප්‍රේමචන්ද්‍ර මහත්මිය, අද (10) දින කැඳවන ලද එම සිදුවීමට අදාළ නඩුව සඳහා අධිකරණය හමුවේ පෙනී නොසිටීම හේතුවෙන් මෙසේ අධිකරණය විසින් වරෙන්තු නිකුත් කර තිබේ. අදාළ නඩුව ජුනි මස 17 වනදා කැඳවීමට නියමිතය.
