වේග පන්දු පුහුණුකරු ලෙස යළි චමින්ද වාස් පත්කිරීමේ තීරණයක්..
ජාතික ක්රිකට් කණ්ඩායමේ වේග පන්දු පුහුණුකරු ලෙස යළි මෙරට සුපිරි වේග පන්දු යවන්නෙකු වූ චමින්ද වාස් පත්කිරීමට තීරණය කර ඇතැයි ශ්රී ලංකා ක්රිකට් ආයතනය අනාවරණය කර සිටියි. එහි සභාපති ශම්මි ද සිල්වා මහතා අවධාරණය කරන්නේ ඉදිරි දිනකිහිපය තුළ අදාළ පත්කිරීම සිදුකරන බවයි. මීට පෙරද ශ්රී ලංකා ක්රිකට් කණ්ඩායමේ වේග පන්දු පුහුණු උපදේශක ලෙස කටයුතු කළ චමින්ද වාස්, ගෙවීම් සම්බන්ධයෙන් මතුවූ ගැටළුකාරී තත්ත්වයක් හේතුවෙන් සිය තනතුරෙන් ඉල්ලා අස්වන ලදී.