ප්රවේශ පත්ර වෙන් කිරීමට සහන…
දුම්රිය ආසන වෙන් කිරීම ඔන්ලයින් ක්රමය ඔස්සේ පමණක් සිදු කිරීමට දුම්රිය දෙපාර්තමේන්තුව තීරණය කර ඇත. ඒ අනුව අද (14) දිනයේ සිට දුම්රිය ආසන වෙන්කිරීම සම්පුර්ණයෙන්ම මාර්ගගත ක්රමය ඔස්සේ සිදුකළ හැකි බවත්, රාජ්ය සේවකයින් සඳහා හිමිවන නිදහස් බලපත්රය වෙන් කිරීමේ අවස්ථාවද මාර්ගත ක්රමය ඔස්සේ සිදුකිරීමට දුම්රිය දෙපාර්තමේන්තුව අවස්ථාව සලසා දී තිබෙන බව දුම්රිය දෙපාර්තමේන්තුව පවසයි.
මාර්ගගත ක්රමය ඔස්සේ පෙර පැවති ආකාරයට ප්රවේශ පත්රිකාවක් තිබිය යුතු වුවත් වර්තමානයේදී එය වෙනස් කර එම ප්රවේශ පත්රයේ ඡායාරූපයක් පමණක් තිබීම ප්රමාණවත් බවයි දුම්රිය දෙපාර්තමේන්තුව සඳහන් කළේය.