ගලගොඩඅත්තේ ඥාණසාර හිමිගේ ඉල්ලීම අභියාචනාධිකරණය ප්රතික්ෂේප කරයි..
තමන්ට නියම කර ඇති සිර දඬුවම අත්හිටුවන්නැයි අභියාචනයක් ඉදිරිපත් කිරීම සදහා අවසර ලබාදෙන ලෙස ඉල්ලා සිටිමින් බොදු බල සේනා සංවිධානයේ ලේකම් පූජ්ය ගලගොඩඅත්තේ ඥාණසාර හිමියන් විසින් කරන ලද ඉල්ලීම අභියාචනාධිකරණය විසින් ප්රතික්ෂේප කර ඇති බව වාර්තා වේ. අධිකරණයට අපහාස කළ බවට චෝදනා කරමින් ඥාණසාර හිමියන්ට වසර 19 ක සිර දඬුවමක් නියම කර එම දඩුවම වසර හයකින් ගෙවී යන ලෙසට අධිකරණය නියෝගයක් ලබාදෙන ලදී.
අදාළ දඬුවමට එරෙහිව අභියාචනයක් ඉදිරිපත් කිරීමට අවසර ලබාදෙන්නැයි ඥනසාර හිමියන් අභියාචනාධිකරණයෙන් ඉල්ලීම් කරන ලද අතර අදාළ ඉල්ලීම සලකා බැලූ අභියාචනාධිකරණය අද (31) එම ඉල්ලීම ප්රතික්ෂේප කරන ලදී.