රජයේ මුදල් අවභාවිතා කිරීම, ගෝඨාට එරෙහි නඩුව ජනවාරි 22 යළි කැදවයි..
රජයේ මුදල් අවභාවිතා කළ බවට චෝදනා කරමින් හිටපු ආරක්ෂක ලේකම් ගෝඨාභය රාජපක්ෂ මහතාට එරෙහි ගොනු කර ඇති නඩුව ජනවාරි 22 වනදා විභාගයට ගන්නා ලෙස අධිකරණය අද (17) නියෝග කරන ලදී. ත්රිපුද්ගල විශේෂ මහාධිකරණය හමුවේ අදාළ නඩුව අද විභාගයට ගන්නා ලද අතර එහිදී අධිකරණය විසින් ඉහත නියෝගය ලබාදෙන ලදී. මෙම නඩුවට පෙනී සිටීම සදහා හිටපු ආරක්ෂක ලේකම් ගෝඨාභය රාජපක්ෂ මහතා අද පෙරවරුවේ ත්රිපුද්ගල විශේෂ මහාධිකරණය හමුවට පැමිණෙන ලදී. ඩී.ඒ. රාජපක්ෂ අනුස්මරණ කෞතුකාගාරය ඉදිකිරීමේදී රජයේ මුදල් අවභාවිතා කළ බවට ගෝඨාභය රාජපක්ෂ මහතාට චෝදනා එල්ල කර ඇත.