රාජ්‍ය සේවක ඇඳුම සම්බන්ධයෙන් නිකුත් කළ චක්‍රලේඛ්‍ය අහෝසි කළ බවට පළවන වාර්තා අසත්‍යයි – රාජ්‍ය පරිපාලන හා ආපදා කළමණාකරන අමාත්‍යාංශය
රාජ්‍ය ආයතන්හි සේවය කරන නිලධාරී, නිලධාරිනියන් විසින් පැළදිය යුතු ඇදුම අනිවාර්යය කරමින් නිකුත් කර ඇති චක්‍රලේඛය අත්හිටුවා ඇති බවට පළවන වාර්තා සත්‍යතාවයෙන් තොර බව රාජ්‍ය පරිපාලන හා ආපදා කළමණාකරන අමාත්‍යාංශය අනාවරණය කර සිටියි.පසුගියදා නිකුත් කරන ලද අදාළ චක්‍රලේඛයට එල්ලවන ලද විරෝධතාවය හමුවේ එය අත්හිටුවා ඇති බවට මාධ්‍ය තුළ විවිධ ප්‍රවෘත්ති පළවීම සම්බන්ධයෙන් අදහස් දක්වමින් රාජ්‍ය පරිපාලන හා ආපදා කළමණාකරන අමාත්‍යාංශය ලේකම් ජේ.ජේ රත්නසිරි මහතා විසින් මෙම අදහස් දක්වන ලදී. අදාළ චක්‍රලේඛය මගින් රාජ්‍ය නිලධාරීන් හට කමිසය සහ කලිසමත්, නිලධාරීනියන්ට සාරිය හෝ ඔසරියත් ඇඳිම අනිවාර්යකරන ලද අතර අනන්‍යතාව හඳුනාගත නොහැකි ලෙස කිසිදු රාජ්‍ය නිලධාරියෙක් හෝ නිලධාරිනියක් මුහණ ආවරණය කර නොගත යුතු බව ද සදහන් කර ඇත.
