වියානා ඇළෙන් ටී 56 මැගසින් තුනක් සහ උණ්ඩ 53 ක් හමුවෙලා..
වියානා ඇළෙහි සිදුකරමින් සිටි අලුත්වැඩියා කටයුත්තක් අතරතුර ටී 56 ගිනි අවි සදහා භාවිතා කරනු ලබන මැගසින් තුනක් හා එම උණ්ඩ 53 ක් හමුවී ඇති බව වාර්තා වේ. වියානා ඇළෙහි 17 කණුව ප්‍රදේශයේදී මෙම ගිනි අවි කොටස් සහ උණ්ඩ සොයාගත් බව මහියංගන පොලීසිය අනාවරණය කර සිටියි. ඇළ මාර්ගයේ නඩත්තු කටයුත්තක් සිදුකරමින් සිටි පිරිසකට මෙම උපකරණ හමුව ඇති අතර ඔවුන් විසින් ඒ සම්බන්ධයෙන් මහියංගනය පොලීසියට කළ දැනුම් දීමකට අනුව ඒවා ගොඩ ගැනීමට කටයුතු යොදා තිබේ. මහියංගන පොලිසිය විසින් වැඩිදුර විමර්ශන කටයුතු සිදුකරනු ලබයි.
