ඇවන්ගාර්ඩ් නඩුවෙන් ගෝඨාභය ඇතුළු 08 දෙනා නිදහස්..
පාවෙන අවි ගබඩාවක් පවත්වාගෙන යාමෙන් රජයට රුපියල් බිලියන 11.4 ක පාඩුවක් සිදුකළ බවට චෝදනා කරමින් විත්තිකරුවන් ලෙස නම් කරන ලද හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු අට දෙනෙකු නිදහස් කරන්නැයි අධිකරණය විසින් නියෝග කර ඇති බව වාර්තා වේ. ගාලු වරාය අසල මුහුදේ පාවෙන අවි ගබඩාවක් පවත්වාගෙන යාම සදහා ඇවන්ගාර්ඩ් මැරිටයිම් සර්විසස් සමාගමට අනුමැතිය දීමෙන් රජයට පාඩුවක් සිදුකළ බවට චෝදනා කරමින් අල්ලස් කොමිසම විසින් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු අට දෙනෙකුට එරෙහිව ගොනුකරන ලද නඩුවක් විභාගයට ගත් කොළඹ මහේස්ත්රාත් අධිකරණය විසින් අද (23) මෙම නියෝගය ලබාදී ඇත. අදාළ විත්තකරුවන් පිරිස නිදහස් කරන්නැයි අභියාචනාධිකරණය විසින් ලබාදෙන ලද නියෝගයකට අනුව කොළඹ මහේස්ත්රාත් අධිකරණය ඉහත නියෝගය ලබාදී ඇත.