අදත් දිවයින පුරා වැසි..
බස්නාහිර, සබරගමුව, වයඹ, මධ්‍යම, උතුරු සහ නැගෙනහිර යන පළාත්වල සහ ගාල්ල, මාතර යන දිස්ත්‍රික්කවල අද (29) දිනයේදී වැසි ඇතිවීමේ වැඩි ඉඩක් ඇතැයි කාලගුණ විද්‍යා දෙපාර්තමේන්තුව අනාවරණය කර සිටියි. විශේෂයෙන් අද දිනයේදී දිවයිනේ නිරිත දිග ප්‍රදේශ ආශ්‍රිතව වැසි තත්ත්වයේ යම් වැඩිවීමක් සිදුවිය හැකි බව ද එම ආරංචි මාර්ග තවදුරටත් පවසා සිටියි. මෙම ප්‍රදේශ හැර දිවයිනේ සෙසු ප්‍රදේශ ආශ්‍රිතව සවස් කාලයේදී වැසි ඇතිවීමේ වැඩි ඉඩක් පවතින බව ද කාලගුණ විද්‍යා දෙපාර්තමේන්තුව වැඩිදුරටත් පවසයි.
