ශිෂ්‍යත්වයේ කඩඉම් ලකුණු නිකුත් වේ..
මෙවර පැවති පහ ශ්‍රේණියේ ශිෂ්‍යත්ව විභාගයෙන් සමත්වූ දරුවන් ජනප්‍රිය පාසල්වලට ඇතුළත් කිරීම සදහා වන අවම කඩඉම් ලකුණු ප්‍රමාණයන් නිකුත් කර ඇති බව වාර්තා වේ. අදාළ ලකුණු ප්‍රමාණයන් අනුව වැඩිම කඩඉම් ලකුණු නියමව ඇත්තේ කොළඹ විශාඛා විද්‍යාලයට ඇතුළත් වීම සදහා වන අතර එම ලකුණු ප්‍රමාණය 189 ක් ලෙස සදහන්ය. පිරිමි පාසල් අතර වැඩිම කඩඉම් ලකුණු ප්‍රමාණය කොළඹ රාජකීය විද්‍යාලයට ඇතුළත් වීම සදහා වන අතර එය ලකුණු 187 කි. කඩඉම් ලකුණු 179 ක් හිමිව ඇති රත්නපුර සීවලී මධ්‍ය මහා විද්‍යාලය මිශ්‍ර පාසල් අතර ඉහළම ස්ථානය ලබා ගෙන තිබේ.
