වෘත්තීය සමිති 25 ක සහය ඇතිව අද තැපැල උද්ඝෝෂණයකට යයි…
තැපැල් දෙපාර්තමේන්තුව වෙනුවෙන් සේවා ව්යාවස්ථාවක් සකස් කරන ලෙස සහ වෘත්තීය ඉල්ලීම් කිහිපයක් මුල්කරගනිමින් පසුගිය දින ආරම්භ කරන ලද වැඩ වර්ජනයට අදට දින 14 ක් ගතව ඇතත් බලධාරීන් කිසිදු විසදුමක් ලබා නොදීම හේතුවෙන් අද (25) එම මූලස්ථානය ඉදිරිපිටදී උද්ඝෝෂණයක් පැවැත්වීමට තීරණය කර ඇත. ඒකාබද්ධ තැපැල් වෘත්තීය සමිති පෙරමුණේ කැඳවුම්කරු චින්තක බණ්ඩාර මහතා සදහන් කරන්නේ මෙම වෘත්තීය සමිති ක්රියාමාර්ගය සදහා ලංකා බැංකු, ලංකා වතුකම්කරු, වරාය, අධ්යාපනය, ගුරු සංගම්, ජාතික වෘත්තීය සමිති මධ්යස්ථානයට අයත් සංගම්ද එක්වන බවයි. ඊයේ (24) දින මෙම වැඩවර්ජනය පිළිබදව මල්වතු සහ අස්ගිරි පාර්ශවවල මහනාහිමිවරුන් බැහැදැක තම සේවක ගැටලුව සම්බන්ධයෙන් දැනුවත් කිරීමටද කටයුතු කල බව ඒ මහතා වැඩිදුරටත් සදහන් කරයි.