ජනාධිපතිවරණ අපේක්ෂකයා ලෙස ගෝඨාභය නම් කර නෑ, නිවේදනය බොරුවක් – හිටපු ජනාධිපති මහින්ද රාජපක්ෂ මහතාගේ මාධ්‍ය ලේකම්
මීළග ජනාධිපතිවරණයේ අපේක්ෂකයා ලෙස හිටපු ආරක්ෂක ලේකම් ගෝඨාභය රාජපක්ෂ මහතා නිල වශයෙන් නම් කරමින් හිටපු ජනාධිපති මහින්ද රාජපක්ෂ මහතා විසින් නිවේදනයක් නිකුත් කර නැතැයි හිටපු ජනාධිපති මහින්ද රාජපක්ෂ මහතාගේ මාධ්‍ය ලේකම්වරයා අවධාරණය කර සිටියි. හිටපු ජනාධිපති මහින්ද රාජපක්ෂ මහතාගේ මාධ්‍ය ලේකම්වරයා විසින් නිකුත් කරන ලද නිවේදනයක මේ බව සදහන්ය. මීළග ජනාධිපතිවරණ අපේක්ෂකයා ලෙස හිටපු ආරක්ෂක ලේකම් ගෝඨාභය රාජපක්ෂ මහතා නිල වශයෙන් නම් කළ හිටපු ජනාධිපති මහින්ද රාජපක්ෂ මහතා විසින් නිකුත් කළ බවට පැවසෙන අදාළ නිවේදනය කිසියම් පිරිසක් විසින් සකසන ලද කූඨ ලේඛනයක් බවත් හිටපු ජනාධිපති මහින්ද රාජපක්ෂ මහතාගේ මාධ්‍ය ලේකම්වරයා තවදුරටත් අදාළ නිවේදනය මගින් අනාවරණය කර සිටියි.
මීළග ජනාධිපතිවරණයේ අපේක්ෂකයා ලෙස හිටපු ආරක්ෂක ලේකම් ගෝඨාභය රාජපක්ෂ මහතා නිල වශයෙන් නම් කරමින් හිටපු ජනාධිපති මහින්ද රාජපක්ෂ මහතා විසින් නිකුත් කරන ලද බවට පැවසෙන මෙම ව්‍යාජ නිවේදනය යම් පිරිසක් සමාජ ජාලා වෙබ් අඩවි ඔස්සේ ඊයේ (17) මුදා හැරීමට කටයුතු කර ඇති බවත් අදාළ නිවේදනයේ තවදුරටත් සදහන් කර තිබේ.
