කොටකෙතන ඝාතනයේ සැකකාරිය වසර හයහමාරකට පසු නිදහස්..
කොටකෙතන ප්‍රදේශයේ මවක් සහ දියණියක් අමානුෂික ලෙස කපා කොටා ඝාතනය කිරීම සම්බන්ධයෙන් චෝදනා කර අත්අඩංගුවට ගෙන රක්ෂිත බන්ධනාගාර ගත කරන ලද සැකකාරිය වසර හයහමාරකට පසු නිදොස් කොට නිදහස් කරන ලෙස අධිකරණය විසින් නියෝග කර ඇති බව වාර්තා වේ. අදාළ නඩුව විභාගයට ගනිමින් කොළඹ මහාධිකරණය විසින් අද (25) මෙම නියෝගය ලබාදී තිබේ.
2012 වර්ෂයේ මෙම ඝාතනය සිදුව ඇති අතර නඩුවෙන් නිදහස් කළ මෙම විත්තිකාරියගේ සැමියාට එරෙහිව අදාළ ඝාතන නඩුව ඉදිරියට විභාග කිරීමටද අධිකරණය නියෝග කරන ලදී.
